ບໍລິສັດ ຣາຊາຊູຣົສ ຈຳກັດ ໄດ້ມີການຈັດອົບຮົມສຳມະນາ ຫຼັກສູດ “ປຸກຍັກ” ໂດຍວິທະຍາການ ທ່ານສິຣິລັກ ຕັນສິຣິ ໃນວັນພຸດ ທີ 25 ມັງກອນ 2560 ເວລາ 9ໂມງ - 12 ໂມງ ທີ່ໂຮງແຮມສຸໂກສົນ ເພື່ອປັບທັດສະນະຄະຕິໃຫ້ເປັນບວກ ພ້ອມຮັບມືກັບການປ່ຽນແປງຕ່າງໆ ປູກຝັງຈິດສຳນຶກທີ່ດີໃນການເຮັດວຽກ ໃຫ້ຮັກວຽກ ຮັກລູກຄ້າ ຮັກອົງກອນ ຮຽນຮູ້ວິທີການສ້າງພະລັງໃຫ້ກັບຕົນເອງ

ແນະນຳວິທີການດຶງເອົາສັກກາຍະພາບພາຍໃນອອກມາໃຊ້ໃຫ້ເກີດປະໂຫຍດກັບຊີວິດສ່ວນຕົວແລະຊີວິດການເຮັດວຽກໃຫ້ຫຼາຍກວ່າເກົ່າ ເມື່ອບຸກຄະລາກອນພາຍໃນອົງກອນມີກຳລັງໃຈທີ່ດີກໍ່ຈະສົ່ງຜົນໃຫ້ຮ່າງກາຍຂະຫຍາຍຂີດຄວາມສາມາດຂອງຕົນເອງທັງມີຄວາມສຸກແລະເຫັນຄຸນຄ່າໃນວຽກທີ່ເຮັດ ຈະເຮັດໃຫ້ພະນັກງານມີຄວາມກະຕືລືລົ້ນໃນການເຮັດວຽກຫຼາຍຂື້ນ ນອກຈາກນີ້ຖ້າພະນັກງານຮັກແພງກັນ ເຮັດວຽກຮ່ວມກັນເປັນທີມງານທີ່ດີ ກໍ່ຈະຍິ່ງເຮັດໃຫ້ອົງກອນເຕີບໂຕຢ່າງວ່ອງໄວ ໝັ້ນຄົງ ແລະແຂງແຮງຕໍ່ໄປໃນອະນາຄົດ